21 fevral 2012 - ci il saat 12:00 - da Nərimanov rayon MKS- in 2 saylı filialında Beynəlxalq Ana dili gününə həsr olunmuş “Əsirlərin yadigarı – Ana dilim” adlı tədbir keçirildi. Tədbirdə kitabxananın fəal ooxucuları və işçi kollektivi çıxış etdi. Həmçinin məktəb şagirdləri Paşayeva Aytac və Paşayeva Aysel dil haqqında hazırladıqları məruzələri ilə tədbirdə çıxış etdilər.

Daha sonra fəal oxucular Mustafayeva Pərvin, Namazəliyeva Gülşanə və Əlizadə Arzu dil haqqında yazılmış şer parçalarını səsləndirərək tədbiri davam etdirdilər. Məruzənin məzmunu : Ulu öndərimiz Heydər Əliyev demişdir “Dilimiz zəngindir, çox ahəngdar dildir dilimizin söz ehtiyyatı çox böyükdür. Şəxsən mən bu dili sevirəm.” 1999 – cu ilin noyabrında keçirilmiş YUNESKO – nun baş konfransının qərarı ilə 21 fevral Beynəlxalq Ana dili günü elan edilmişdir. Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir xalqın özünəməxsus dövlət atributları var. Müstəqil Azərbaycan Respublikasının atributları - himni, gerbi və bayrağıdır. Bunlarla yanaşı Xalqımızın öz dövlət dili - Azərbaycan dili var. Hər bir dili yaşadan inkişaf etdirən onun mənsub olduğu xalqdır, xalqın böyük övladlarıdır. Mübaliğəsiz demək olarki, XX yüzilliyin son 30 ili ərzində Azərbaycan dilinin inkişafı ümumişlək dilə, dövlət dilinə çevrilməsi ümummilli liderimiz Heydər Əliyevin yürütdüyü müdrik, uzaqgörən siyasəti ilə bağlı olmuşdur. Azərbaycan dili bu gün dərin fikirləri ən incə çalarlarınadək olduqca aydın şəkildə ifadə etmək qüdrətinə malikdir. Dilimizin bu günki inkişaf səviyyəsi göstərir ki, Azərbaycan xalqı dünyada ən qədim xalqdır. Dil hər bir xalqın varlığının təzahürü, onun milli sərvətidir. İnsanın təkamülündə ana dilinin rolu misilsizdir. Dünyanın müxtəlif yerlərində yaşayan xalqlar üçün dil faktoru millətin tarixi mədəniyyətinin və digər özünəməxsus xüsusiyyətlərinin vahid bir kompleks halında birlışdiyi unikal hadisə kimi səciyyələndirilir.

2003 – cü il yanvar ayının 2 – də Heydər Əliyevin fərmanı ilə “Azərbaycan Respublikasında Dövlət Dili haqqında ” Azərbaycan Respublikasının Qanunu qüvvəyə mindi. Həmin qanunda Dövlətin ana dilinə qayğısı sahəsindəki əsas vəzifələr dəqiq göstərildi. Sənəd Azərbaycanda Dövlət dilinin qorunması və inkişafını təmin etməyə qadir çox mükəmməl hüquqi sistemin mövcud olduğunu bir daha təsdiqləyirdi. Əasası ümummilli lider Heydər Əliyev tərəfindən qoyulmuş bu siyasət hazırda cənab Prezident İlham Əliyev tərəfindən uğurla davam etdirilir. Bu gün rəsmi yığıncaqlarda, məclislərdə ana dilimiz təntənə ilə səslənir. Azərbaycan dili tarixi ənənəsi olan kamil dillərdən biridir. İnsan kimliyini, soykökünü ilk növbədə dil vasitəsilə tapır və dərk edir. Bizim eşitdiyimiz və öyrəndiyimiz dil misilsiz xəzinədir. Azərbaycan dilinin hərtərəfli inkişafı, onun təkcə sözdə deyil, gündəlik təcrübədə ümumişlək dilə, dövlət dilinə çevrilməsi, diplomatiya aləminə yol açması, zənginləşərək nüfuz qazanması naminə həyata keçirilən dövlət siyasəti uğurla davam etdirilir.